Mais qui des grands seigneurs veult acquerir la grace Il ne fault que les vers seulement il embrasse ; Il fault d’autres propos son stile deguiser, Et ne leur fault tousjours des lettres deviser ; Bref, pour estre en cest art des premiers de ton aage, Si tu veux finement jouer ton personnage, Entre les Courtisans du sçavant tu feras, Et entre les sçavans courtisan tu seras.