Car incontinant apres avoir étudié la maniere de Pierre Perugin, il l’imitoit si justement qu’on eust pris les coppies qu’il peignoit pour les originaux de son Maistre : La premiere piéce à quoy il travailla chez le Perugin, ce fut au grand Autel de S. […] Il eut encore une singuliere familiarité avec frere Barthelemy de saint Marc à Florence excellent Peintre, duquel il prit beaucoup du Coloris, aussi par eschange il luy enseigna les reigles de la Perspective. […] Le sieur Augustin Chigi n’auroit pas si tost veu la fin des ouvrages que Raphaël luy peignoit, s’il ny eust employé sa maistresse et mesme la prier de vouloir prendre logement chez luy.