Raphael l’estima beaucoup, et pour ne luy point ceder en generosité il luy envoya plusieurs desseins de sa main, que sans doute il receut avec beaucoup de joye. Les Estampes d’Albert Durer donnerent envie à Raphael de faire graver, et porta Marc Anthoine Boulognois à se fortifier dans le dessein, pour se rendre plus capable de bien suivre ceux qui lui vouloit faire graver, à quoi il reüssit assez heureusement. […] Tous ces travaux n’empescherent pas Raphael d’avancer les loges Papales où il tenoit continuellement des hommes qui travailloient sur ses desseins, que mesme la pluspart du temps il conduisoit de l’œil et de la main. […] Ce fut luy qui fit le dessein de la vigne de sa Saincteté, et de plusieurs maisons in borgo : et particulierement celuy du Palais de Me. […] Jules Romain, disciple et heritier de Raphael luy fut d’un grand secours, suivant sa maniere exactement, en ses dispositions, desseins et coloris, plus qu’aucun autre.