Apres que Raphael eut terminé ses affaires de sa succession il s’en alla à Peruge, où il peignit dans une Chapelle de l’Eglise des Freres Serts, un Tableau de Nostre-Dame, Saint Jean Baptiste, et S. Nicolas, et à Saint Severre petit Monastére de la mesme ville dans la Chapelle nostre Dame. […] C’est pour quoy il s’y en retourna, et y fist le Carton d’un Christ mort que ses parens et amis portent au sepulchre, pour peindre à Peruge dans une Chapelle. […] Ces œuvres furent suivis d’un autre : La Chambre de la Tour Borgia où il peignit plusieurs Histoires ; l’une desquelles represente l’incendie de Borgo Vechio, que le Pape Leon IV. eteignit de sa benediction qui est merveilleusement belle, l’autre est du mesme Saint, qui ayant faict construire le port d’Ostie fust attaqué d’une armée navalle de Turcs pensant le surprendre et le faire prisonnier, où il y eust grand combat ; puis encore une autre Histoire où le Pape Leon X. sacre Francois premier Roy de France ; il estoit accompagné de plusieurs Cardinaux, Ambassadeurs et autres personnes et Officiers, necessaires à cette celebre ceremonie, desquels le Pape est suivy quand il tient Chapelle. […] Dame de la Paix : ayant fait cet ouvrage apres avoir veu la Chapelle de Michel l’Ange.