[c. 15 February 1753]

Quicunque philosophiam colit et libertatem amat, tyrannum pseudophilosophum Maupertuis confutare tenetur.
Qui hujus tyranni apologiam scripsit et fautores sapientis viri Kœnig fatuos, amentes, nefarios, nebulosos, sceleratos esse dixit, isti [? iste] libelli infamis reus est. Qui Maupertuisianam tyrannidem impugnaverunt et ejus insanas litteras irriserunt, ab Europa absolvuntur. Celeberrimus in omni genere et aequissimus Gottsched enixe rogatur, ut velit hanc Leibnitzii et Wolfii vindictam publici juris facere et typis mandare. Rem litterarum tuebitur ut ejus mos est.